12 мамыр күні «Шеберден тәлім» жобасы аясында №5 гимназиясының қазақ тілі мен әдебиеті пәнінің мұғалімі, педагог-шебер Қылышбаева Күлзипа Әуезқызы өз іс-тәжірибесімен бөлісті.
Алғаш рет ұйымдастырылып отырған жобада Білім беру ісінің құрметті қызметкері, «Үздік педагог-2016» байқауының жеңімпазы Күлзипа Әуесқызы барлық республиканың мұғалімдеріне арнап «Оқыту әрекеттерінің әдістемелік жүйесі» тақырыбында мастер-класс өткізді.
Қазақ тілі мен әдебиеті пәнінің педагог-сарапшы, педагог-шебер мұғалімдер мастер-классқа қатысып, шеберден тәлім алып қайтты. Астана қаласының педагогтері оффлайн форматта мектепке келіп қатысса, республиканың мұғалімдері үшін сабақ онлайн трансляция болды(https://youtube.com/@adistemeastana) арқылы көрсетіледі.
