Астана қаласында «Көкжиек – Горизонт» баспасы «Study Inn» баспасымен бірлесе ұйымдастырған «Заманауи тілдік білім берудің құндылық бағдарлары» атты конференция өтті. Шараны ұйымдастыру мен өткізуге Астана қаласы әкімдігінің Әдістемелік орталығы мен №93 мектеп-лицейінің педагогикалық ұжымы белсене атсалысты.
Конференция аясында қазақстандық білім берудің құндылық бағдарлары, жалпы білім беретін мектепте үштілділікті енгізу мәселелері қарастырылып, әдістемелік ой-пікірлер, тәжірибе алмасу болды.
№93 мектеп-лицейінің директоры Нүсіпжан Жеңіскүл Темірханқызы конференцияның құндылығы мен практикалық бағытын атап өтіп, ұйымдастырушыларға алғысын білдірді.
