2023 жылы 29 наурызда Астана қаласы әкімдігінің «Әдістемелік орталығы» МКҚК ұйымдастырған «ҰРПАҚ ТӘРБИЕСІ–ҰЛТ БОЛАШАҒЫ» тақырыбындағы бірыңғай қалалық педагогикалық кеңес аясында Астана қаласы филармониясының концерт залында «Мектептегі психологиялық климат» алаңы жұмысын белсенді көрсетті.
Алаңның жұмысын психологиялық сүйемелдеу бөлімінің әдіскерлері және мектептердің шығармашылық педагог-психологтары жүргізді: № 53 Ж.К. Ерпейсова, М. Тургунбаева, №23 А. В. Охроменко, №50 Ж. Т. Дәулетова, №67 А. Хуат, №56 А. М. Жумакишева.
Тәжірибелі психологтар елордалық психологиялық қызметтердің мектептер мен колледждер базасында іске асырылып жатқан жобаларын таныстырды-бұл «Амалтея» автоматтандырылған психодиагностика бағдарламалары, «HR+ психологиялық-педагогикалық мониторингтің автоматтандырылған жүйесі» жобасы, сондай-ақ оқыту және ағарту платформасы http://zhastar.org / «Bilim Foundation» ҚҚ.
Алаң қонақтарының педагогтері үшін жүргізілген артерапияның проективті әдістемелері педагогтерге ұнады және инклюзивті білім беру форматында жұмыс істейтін мектеп директорлары мен педагогтердің назарын аударған ЕББҚ бар балаларға арналған «Co-Make» ҚҚ ұсынған түзету-дамыту жабдықтарының мүмкіндіктері көрсетілді.
Психологиялық сүйемелдеу бөлімі белсенді психологтарға алаң жұмысындағы шығармашылығы үшін алғыс білдіреді.
