2023 жылдың 29 наурызында Қазақстан Республикасы Ұлттық академиялық кітапханасында «Көкжиек-Гөризонт» баспасынан жарық көрген «Қожа Ахмет Яссауидің дүниетанымы» кітабының тұсаукесері өтті.
Кітап авторы – философия ғылымдарының докторы, профессор, философия, тарих, дінтану бойынша бірқатар еңбектердің, монографиялар мен оқулықтардың авторы, ұлы ойшыл және гуманист Қожа Ахмет Яссауи шығармашылығының маманы Әбуов Айдар Парқұлұлы.
Кітап қазақ және орыс тілдерінде жарық көрген және оқырмандардың кең ауқымына: студенттер мен оқушыларға, магистранттарға, ғылыми қызметкерлерге, сондай-ақ Қазақстанның мәдени мұрасының тарихына қызығушылық танытқандар үшін арналған.
