Астана қаласы әкімдігінің «Әдістемелік орталығы» МКҚК орта білім беру ұйымдарының мектепалды сыныптарының педагогтері арасында «Үздік бейне ұйымдастырылған іс-әрекет» қалалық байқауын өткізді.
Байқау ережесіне сәйкес қазылар алқасының құқықтары берілген сараптамалық комиссия құрылды.
Сараптамалық комиссия бейнематериалдарды бағалау барысында ұйымдастырылған іс-әрекетті ұйымдастыру әдіс-тәсілдеріне, ойынның тиімді таңдалуы, мектепалды сынып балаларының жас ерекшелігіне сәйкестігі, ресімделуі мен түсірілім сапасына, өзіндік ерекшелігіне, шығармашылық даралығын көрсете білуіне назар аударып, соған сай шешім шығарды. Бейнематериалдардың ішінен үздігін таңдау оңай емес, дегенмен, әр сайыстың өз жеңімпаздары болатынын атап өткен жөн.
Гран при – №73 мектеп-лицейдің мектепалды сынып педагогі Бекмашева Ардақ Гилымовна;
І орын – №42 орта мектептің мектепалды сынып педагогі Молшылық Бахытгуль;
ІІ орын – №68 мектеп-гимназияның мектепалды сынып педагогі Ақболатова Ақтолқын Серікбайқызы;
ІІІ орын – №8 мектеп-лицейдің мектепалды сынып педагогі Бурикбаева Диана Бахтиерқызы.
