2025 жылғы 2 мамыр күні Астана қаласы әкімдігінің «Әдістемелік орталығы» МКҚК ұйымдастыруымен №2 ПМПК-нің 20 жылдығына орай мектепке дейінгі және жалпы білім беру ұйымдарының арнайы мамандарына арналған «ПМПК: Сенім, тәжірибе және кәсібилік — 20 жылдық дамуы мен жетістіктері» тақырыбында семинар-практикум өтті.
Семинар барысында:
-кәсіби бірлікке апарар жеті қадам: ПМПК командасының жолы;
-ерекше баланы тәрбиелей отырып, ішкі тіректі қалай табуға болады?;
— эмоциялық күйзелістен тыныс алу және дене жаттығулары арқылы қалай арылуға болады? ;
— инклюзиялық калейдоскоп ;
— ойнай отырып дамимыз;
— ата-аналармен жұмыс: «Тең құқылы диалог» тақырыптарында ақпарат беріліп, ЕББҚ бар балалармен жұмыс жасаудың тиімді әдіс-тәсілдерін пайдалана отырып, шебер сыныптар көрсетілді.
